Nima sababdan buyurtmalarni qabul qilish imkoniyatingiz cheklanishi mumkin

Ayrim vaziyatlarda kuryerlarning tariflardan foydalanish imkoniyati cheklanishi mumkin. Bu vaziyatlar qandayligini va foydalanish imkoniyatini tiklashni koʻrib chiqamiz.

Xizmat standartlarini buzish

Agar foydalanuvchilar kuryer ustidan tez-tez shikoyat qilsa, tarifdan foydalanish imkoniyati cheklanishi mumkin. Eng koʻp uchraydigan shikoyatlar:

• qoʻshimcha toʻlov talab qildi

• qoʻpollik qildi

• buyurtmani eshikkacha yetkazishi kerak edi, lekin bunday qilmadi

• termoqutisiz keldi, lekin uni bor deb koʻrsatgan edi

• buyurtma oluvchiga yetkazilmagan boʻlsa-da, «Joʻnatma topshirildi» holatini belgiladi

• buyurtmani shikastlagan

• kechikdi

Tizim ayrim muammolarni avtomatik aniqlaydi — masalan, agar kuryer buyurtmani kechiktirsa yoki foydalanuvchi bilan aloqaga chiqmasa. Agar bunday holatlar tez-tez sodir boʻlsa, kuryer ogohlantirish oladi. Agar qoidabuzarlik davom etsa, buyurtmalarni qabul qilish imkoniyati cheklanishi mumkin.

Cheklov muddati tugagach, buyurtmalarni qabul qilish imkoniyati avtomatik tiklanadi.

Noqonuniy harakatlar

Agar qoidabuzarlik jiddiy boʻlsa, masalan, kuryer buyurtmani oʻgʻirlagan boʻlsa, buyurtmalarni qabul qilish imkoniyati doimiy cheklanishi mumkin.

Past faollik

Faollik buyurtmalarni qanday bajarayotganingizni koʻrsatadi. Servisda roʻyxatdan oʻtganingizdan soʻng, faolligingiz 100 ballni tashkil qiladi. Bu maksimal qiymat, bundan yuqorisi boʻlmaydi.

Buyurtmalarni bajarishni boshlaganingizda, har bir oʻtkazib yuborilgan yoki bekor qilingan buyurtma uchun ballar yechib olinadi, muvaffaqiyatli bajarilgan yetkazishlar uchun ballar beriladi. Agar tez-tez bekor qilish sababli faolligingiz 10 ballgacha tushib ketsa, servisdan foydalanish imkoniyatingiz cheklanadi.

Past reyting

Kuryerlar reytingi 4.7 dan 5 gacha boʻlganda buyurtmalar oladi. Agar reyting 4.7 dan pastga tushsa, buyurtmalarni qabul qilish imkoniyati cheklanadi va kuryer uchun tarif oʻchiriladi.

Agar past reyting sababli servisdan foydalanish imkoniyati cheklangan boʻlsa, buyurtmalarni qabul qilishni davom ettirish uchun tarifni qayta yoqish kerak. Buning uchun:

• Yandex Pro profilingizda «Tariflar» rukniga oʻting va oʻtkazgichni kerakli tarifga oʻtkazing;

• treningni tomosha qiling;

• testdan oʻting.

Agar testdan muvaffaqiyatli oʻtsangiz, 6 oyga vaqtinchalik foydalanish imkoniyati ochiladi. Bu vaqt ichida 150 ta buyurtma bajarish va reytingni 4.75 ga koʻtarish kerak.

Agar bu vaqt ichida reyting pasayishda davom etsa va 4.6 dan pastga tushsa, buyurtmalarni qabul qilish uchun berilgan vaqtinchalik imkoniyat yana cheklanadi. Bu imkoniyatni olti oydan keyin tiklash mumkin.

Agar testdan oʻta olmagan boʻlsangiz, buyurtmalarni qabul qilish imkoniyati olti oyga yopiladi.